Pissed Off

6 02 2007

Impresib sa linis ang Makati.  Ultimo kasuluk-sulukan ng mga underpass parang kinakaskas ng sa linis.  

Okay na din kaso hindi mabait sa pantog ang Makati.  Wala ka kasing makikitang urinals na malapit.  Kung meron mang public urinals, mga isang kilometro pa ang layo at may bayad pang limang piso.  Tuloy kung minsan kung saan saan na lang ako umiihi.  Pag gabi na pauwi, jumijingle ako sa may ilalim ng Ayala MRT station.  Kabado ako kasi bawal ’yun pero sa buhay ng tao, may thrill din lahat ng bawal.   

Experience wise, mas ayos pa ang umihi sa kalsada kaysa sa CR sa opisina.  ’Yung ihian namin sa Makati Stock Exchange, katabing katabi lang ng lababo.  Magkatapat na, magkapantay pa.  Kahit sinong lalaking may respeto sa sarili ay ayaw mapunta sa isang sitwasyon na naghihilamos habang sa tapat mismo niya ay isang nagmamayabang na tarugo na umiihi.  Putanginangyan.  Kundi ba naman isa’t kalahating gago ang gumawa ng CR sa MSE.  Alam mong nagtitipid sa espasyo pero sana wag ganon.  Parang walan common sense.  Hindi nakakatawa yung ganun, kung may plano man silang magpatawa.  Parang pang-Bitoy’s show na ‘Yari ka!’.  Kung minsan tuloy, tinataon kong maghilamos sa oras na walang gaanong gumagamit ng CR para siguradong walang kasabay.  ‘Pag may nakasabay ka tiyak na health hazard ‘yun.