Something Reminds Me of Home

15 05 2007

Bertdey ng kuya ni Beatriz’ So (‘yung Pinoy Big Bro Season2 housemate) kaya may lasingan sa labas ng bahay.  Katapat lang ng apartment namin ‘yung tinitirhan nila.  Hindi sa gusto kong makalibre ng Bicol express pulutan pero naisip kong mas nakakaluwag ng loob makipagkuwentuhan sa mga sunog baga sa ‘min kaysa kausapin ‘yung psychologist namin sa kumpanya.  Mas mahal ang makipag-usap sa propesyunal na psyhologist kaya sa mga lasenggerong kaibigan.  Ayos naman pamilya saka kamag-anak ni Bea pero mukhang apektado sila sa ‘sabong’ na nangyayari sa loob ng Big Brother House.  Oo, ‘yung away nina Bea saka Maricruz isang linggo na ang nakakalipas.  Di ko alam kung ano ‘yung gulo pero may nasabing tungkol sa ‘we all have our dark sides’.  Sigurado akong hindi ‘yung kili-kili ko ang tinutukoy nila.  May ‘dark side’ din ako lalo na pag pamilya ko na din ang nadadamay.  Minsan sa grocery sa Festival Mall, may lalaking may nang-agaw kay BebeKo ng grocery kart.  Anlaking mama tapos aagawan lang ‘yung patpatin kong maybahay ng ganun ganun na lang?  Binangga ko ‘yung lalaki.  Sinabihan ng salitang di kayang lunukin kahit ng aso.  Kailangang turuan ng leksiyon ang mga taong makakalimutin magdala ng kanilang ‘manners’ na malamang ay naiwan nila sa higaan nila. 

Alam kong ganyan ka din sa pamilya mo.  Ganyan naman tayong mga Pinoy sa pamilya natin.  Laban kung laban.  

Hindi pa rin ako sigurado kung ano pinag-awayan nila kaya wala akong ibang nasabi sa pamilya ni Bea kundi, ‘ayos si Bea’.  Kumbinsido naman sila.  Mamya pa lipat kami ng lugar ng pinag-iinuman sa may malapit sa manggahan.  Bigla kong naalala ‘yung sa probinsiya namin.  Ganitong ganito din ang setting.  Parang di nga rin ako lumayo sa probinsiya namin.  

Umuwi nako bago pa ang aking ‘curfew’.  Lasing na ‘ko kaya nahulog ako sa higaan.  Pero suspetsa ko talaga, sinipa ako ni BebeKo sa leeg kaya ako nahulog ng higaan.  Nagkaroon tuloy ako ng ‘dislocation’ sa may bandang shoulder blade.  Hanggang ngayon, ayaw niyang umamin. 

Mga alas kwatro na ng madaling araw, may narinig kaming nagkakabasagan ng bote ng beer at meron nang nagsisigawan at nagbabantaan ng buhay.  Naisip ko, parang wala ding pinagkaiba sa probinsiyang pinanggalingan ko.

Advertisements

Mga Tugon

Information

7 responses

15 05 2007
Cat

lol i know what your bebe was talking about, Im a PBB avid viewer myself. Just a little background, Bea and a housemate had a fight, not just a typical fight, okay it was a typical fight since both girls were just shouting. Bea was cool but the othe girl was vocally violent which led to her forced-eviction, that was it, it doesn’t involve your kilikili 🙂

it reminds me also our neighbors back in our province, everytime there would be salo-salo(small gathering), all kapitbahays were invited(and sometimes, an extra/extras tagging along unininvited), and before leaving, the host would make sure that the guests were given leftover foods so that those left at home can try and share the foods. And yes, after the party we also have neighbors who would shout at the wee hours such as “patyon ta ka!, patyon ta ka” (ill kill you, ill kill you), always scare the hell out of me..but I miss that, now that I’m living with “urbanized neighbors” . Basta for me, it’s really different in the province 🙂

15 05 2007
Cat

ooppss, sorry for the errors, may mali-mali 🙂

15 05 2007
badoodles

ganun pala ‘yon. nililipat ko kasi sa jumong pag nakakalingat si BebeKo. and she smacks my head with a remote control pag nahuhuli ako.

nothing beats a home in the province. i guess we have to be accustomed with this new environment.

15 05 2007
tiamy

Turn up the volume pag humalakhak na si Bea…hndi ko alam kung maiirita ako or matutuwa e…

16 05 2007
badoodles.wordpress.com

kakaiba nga. may copyright ata un. di ko naman mailipat kasi nasasapok ako palagi nung may hawak ng remote control.

17 05 2007
pamalfaro

i enjoyed reading your posts especially your letter to your Pa. 🙂 keep on posting!

18 05 2007
badoodles.wordpress.com

thanks pam for taking time visiting my blogsite (with your beezzy sked). i am as well impressed reading your travel posts. it’s easy and fun to read.

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Baguhin )

Twitter picture

You are commenting using your Twitter account. Log Out / Baguhin )

Facebook photo

You are commenting using your Facebook account. Log Out / Baguhin )

Google+ photo

You are commenting using your Google+ account. Log Out / Baguhin )

Connecting to %s




%d bloggers like this: