Tales from the Barbershop

24 01 2008

Kahit stubborn tayong mga mister, obligado pa rin tayong magpapapogi kay misis.  Kaya nagpagupit ako sa barbero sa ‘min kahapon dahil lumalabas na naman ang tunay kong anyo, nagmumukha na ulit akong kapre.  ‘Bosing, kelangan mo nang ipa-relax ang buhok mo’, suggestion sa akin ng barbero namin habang ginugupitan ako.  Hindi ko maintindihan bakit kailangang i-relax ang buhok.  Dahil crap mode ako dahil hindi ako pinagbigyan ni misis kagabi dahil may buwanang dalaw kaya nag-reply ako ng pabalang,   ‘Bakit, nate-tense na ba ang buhok ko habang ginugupit mo?  At may parelaks-relaks ka pang alam’.  ‘Magkano ba yang ganyan?  Tinuro ko ‘yung listahan ng hair treatment na ini-offer.  Tumama ang hintuturo  ng barbero sa bandang Swarkzkoptf Hair Treatment – 500 pesos.   ‘Sige, kung kaya mong ipro-nounce yang hair treatment nyo.  Magpapaganyan ako’.   

‘Bosing, Swarzkof.’
‘Mali.’
‘Swarzops.’
‘Mali din.  Ang tamang pag-pronounce dyan ay ‘Swarzenegger’.   

Ayaw maniwala.  Nangti-trip daw ako.  Tarantado talaga ‘yung barberong ‘yun.  Hehe.  Ang totoo nyan, wala lang talaga akong perang pamparelaks ng buhok.  Sinabi ko na lang na, ‘Yaan mo pare.  Uutusan ko na lang kumalma ang buhok ko.  Buhok, relaks ka lang, wuzzah, take a deep breath, taena kaya mo yan gunting lang yan’.  Pero mukhang matigas ang kukote mana sa akin kaya hindi rin sumunod.   

‘Dry na ang buhok nyo bosing, magkakasplit ends kayo’, huling alas na sales pitch ng barbero.  Naku, magtaka ka kung basa at pawisan ‘yan malamang iba na yan, bulbol ko na ‘yan. 

Pero kahit naman pa-siraulo akong sumagot sa mga barbero,  malaki ang utang na loob ko sa kanila.  Andyan ‘yung ginunting ako ng papoknat nung kapanahunan ng ROTC nung college, nagawan ng paraan ng Macarubbo’s Barber Shop.  Nung ayaw akong pag-enrolin ng Dean ng college of Engineering sa ‘min dahil sa pang April Boys kong long hair [na tinatawanan ni BebeKo pag naaalala], barbero din ang gumawa ng paraan para magmukha akong tao.    

Hindi naman ako takot magpagupit sa mga parlorista.  Sige na nga, medyo lang.   Una, ayaw ko kasing nahihipan ng mainit na hininga sa may batok.  Ganun ang kalimitang ginagawa sa kin ng mga adik na parlorista.  May imbisibol force field kasi sa batok ko na kapag nahipan, nati-trigger ang aking amygdala at hippocampus, daan para magsend-out ng signal sa aking neural circuit, tumaas ang balahibo, maalarma ang aking fight-or-flight response at lalong humihigpit ang hawak sa bolpen na anumang oras ay pwedeng manuhog ng mata, isawsaw sa suka at gawing pisbol.    

Nakapunta na rin naman ako sa mga salon, baka sabihin niyo sobrang idyot ko.  [Oo aaminin ko idyot ako, idyooootttt!] Nagpagupit na din naman ako dati sa mga mamahaling pagupitan, kaso dahil parang kiniliti-kiliti lang ‘yung dulo ng buhok ko, konting blower, himas himas, tapos mamya sisingilin na ako ng dalawang daan, pakiramdam ko nawantutri ako.  At pag-uwi ko, napapatanong pa ako sa sarili ko ng, ‘Teka, nagpagupit na nga ba ako?’.   Kaya wag na lang.  Tanong ko lang, bakit ba sinasabi nilang ‘Gandang Ricky Reyes’ ‘yung isang salon e pangit naman si Ricky Reyes?  At  kahit siguro lumipas pa ang isang milyong taon at magbago ang standard ng kagandahan ay hindi ko pa rin siya tatawaging maganda.  Kaya ‘pag sinabihan kang ‘Gandang Ricky Reyes’, sarkastik ‘yon, hindi ka maganda.     

Pampatibay sa relasyong mag-asawa, sinasamahan ko din naman si BebeKo pag nagpapagupit at nagpapatanggal ng makulit na ingrown sa paa.  Oo, ‘yung makulit na usli sa kuko na nagpapahirap sa kanya para makalakad ng lakad pangtao.  Nakapunta na din ako kahit papano sa ‘F Salon’ na tinatawag kong Fuck Salon dahil sa tuwing magpapagupit dun si BebeKo ay laging punuan.  Ayaw nilang i-accomodate ang mala-dyosang kagandahan ng misis ko ng mga taenang insecure.  Fuck.  Isa pa, fuck.  Ayan, I’m relieved, nakakaginhawa talaga ng pakiramdam ang pag-fuck.





Random Kindness

16 01 2008

 Kelangang pumasok ng maaga sa opis.  Tapos na ang mahabang breyk kaya rush hour na naman ‘to na walang katapusan.  Maaga pa lang pero punuan na ang mga bus papasok.  Buti na lang may naupuan pa rin.ako.  Em jas beri lucky today.  Kaso sa may bandang Susana Heights , may humabol na sumakay.  Nagmamadali si lola.  Isa-isang tumingin sa mga pasahero si lola, naghahanap ng mauupuan.  Walang gumagalaw.  Ngayon ko lang na-realize, yari pala sa bato ang betlogs ng mga taga-Maynila.  Wala talagang may gustong tumayo at magbigay ng upuan.  Tangena, mukang pangatlong araw ko na ‘tong bibinggo sa pagbibigay ng upuan.  Hindi muna ako gumalaw, naghihintay kung sino ang ma-touch move. 

Nung Lunes, may sumakay na tatay na nakasaklay kasama ang anak, binigay ko na ‘yung upuan ko dahil nahihirapan akong tignan ‘yung itsura ng tatay na akay-akay ang anak, nakatayo, at may mga nakatusok na mga bakal sa paa na kasinhaba ng antenna.  At dahil good boy ako nung araw na ‘yun, hindi ko na rin tinanong kung kaya bang makasagap ng tv reception ‘yung antenna nya sa paa.   

Martes, pauwi na ako sakay pa rin ng bus, may mag-asawa namang sumakay.  Dahil punuan na, sa sahig sila naupo malapit sa driver.  Lasing ‘yung lalake at nagpupumilit bumaba.  Kung anu-anong sinasabi.  ‘E kung gustong ibangga ‘to ng driver, pati tayo patay’.  Wow. Frustrated madam auring ata si manong, nangengealam sa gustong gawin ng driver.  At dahil naiistorbo ako sa aking seryosong pangungulangot, nilapitan ko ang mag-asawa at tinanong kung gusto nila ‘yung upuan ko.  Hindi ako mabait.  Gusto ko lang makakita ng dalawang senior citizen na nagkakandungan sa bus.  At nangyari nga ang gusto kong mangyari.  Ang erotic pala nila. 

Miyerkules.  Ngayon.  Duduling-duling pa ‘yung mata ko sa magdamagang panonood ng korean porno kagabi at di pa nakakarekober ng husto.  [Nadiskubre kong sagrado pala ang bulbol ng mga Koreana at Haponesa kaya hindi nila ito tini-trim.  Buti na lang pala at hindi ganun ang pananaw nating mga Pinoy.  Kung nagkataon, malamang pinaparada natin ang mga sagradong bulbol sa araw ng kapistahan habang pinupunas-punasan ng puting panyo ng mga deboto.]  Punuan pa rin ang bus.  At sumakay nga si lola. Nasa bandang looban ako kaya safe, sa isip ko.  Padedma epeks na lang  akong tumingin sa bintana.  Hayzz, ang ganda ng tanawin.  At anlambot ng upuan.  Dalawang oras akong makakatulog nito at mag-iimagine ng kung anu-ano.  Maya-maya, hindi pa nakakalayo nang pumara si lola.  Hindi yata kaya mag-standing position kaya bababa na lang daw.  Taragis talaga ‘tong mga kasabayan kong city boys.  Wala man lang nagbigay ng upuan.  Hindi pala bato ang betlogs ng mga taga-Maynila.  Yari ito sa adobe, at ang kaliwang betlog naman ay yari sa bakal.  Dahil nga hindi ko naman maatim na bumaba si lola, binigay ko kay lola ang aking ‘precious’ na upuan at bubulong-bulong na tumayo. ‘Papa Jesus, utang mo ‘to sa akin ah, sana may gumanti din ng kabutihan sa lola ko kung asan man siya ngayon’.       

Dalawang oras akong nakabitin sa estribo. Patulog-tulog habang humahampas ang katawan sa north-east- west-south na direksiyon.  Buti na lang hindi umariba ‘yung ‘morning sickness’ ko, ‘yung bigla na lang titigas ang etits lalo na pag malamig ang paligid.   Scandalous.  Nangyari sa akin ‘yun last week kaya nakaupo lang ako sa bus hanggang lumampas ako sa aking destinasyon.  Kinausap ko muna ng masinsinan ang aking potoytoy at sinabihang, ‘Huminahon ka.  Wag kang padalos-dalos sa iyong nararamdaman.  Infatuation lang ‘yan!’. Kailangan kasi ng diplomasiya dito.  Hindi ito nadadaan sa pagpitik dahil lalong lumalaki.  At sa mga katutulad kong nakakaranas ng ganito, malaking tulong ang palagiang pagdadala ng bag para pantakip sa harapan.  Oo, ang backpack ay dapat ginagawang frontpack.   

Isang tapik sa balikat ang gumising sa kin.  ‘Lord ikaw ba yan’, automatic na sagot ko.  Si lola pala, pababa na sa bandang Guadalupe.  ‘Anak, salamat ha’.  May kasamang ngiting nagsasabi ng ‘Yowr my hero talaga’.  ‘Okay lang po ‘yun’.  Nakakatanggal talaga ng ngalay ang simpleng pasalamat.  Dahil malapit na, hindi na rin ako umupo.  Tumayo na lang malapit sa driver na nagtatanong.  ‘Bos, san ka ba?’.  Tinuro ko ‘yung malapit sa tabi ng nagtitinda ng mani, ‘Dun sa tabi’.  Alam kong hindi nagbababa dun ang mga bus, sa kabila pa ang babaan mga isang kilometro tapos nilalakad ko na lang pabalik.  E tinanong nung driver, sinagot ko lang.  Kaya nagtaka ako ng binaba ako sa saktong lugar.  ‘Sige na bos, okay lang ‘yun, para sulit naman ‘yung pagtayo mo ng matagal’, natatawang sabi ng driver.  Natawa na din ako.  ‘Sige salamat din’.   Hehe.  Naisip ko, hindi ko pala kailangang gumawa ng isang higanteng kabutihan para maging perpekto ang galaw ng mundo. Mali ‘yung iniisip ko na walang nakakakita sa ginagawang kabutihan ng tao.  Hindi lang ‘yung nasa taas ang nakakakita, pati ‘yung mga nasa paligid mo, north-east- west-south na direksiyon.  Na-realize ko, madaling makahawa ang isang simpleng kabutihan.  Baka nga sa ginawa mo o gagawin mo ay naka-inspire ka pa ng iba.  Hayyzz, it’s a good day today.    





Philippines 10 Best Humor Blogs Partial Tally [As of 01/02/2008]

11 01 2008

Heto ang partial tally ng botohan para sa Project Lafftrip Laffapalooza – ang paghahanap para sa 10 PinakaDaBest na Humor Blogs ng Pilipinas. Nag-umpisa ang project Lafftrip noong November 2007 at magtatapos ngayong September 2008.  Ito ang mga blogs na sobrang nakakaadik kahit walang hinalong drugs,  kaya, ladies and gentlemen, heto na ang mga pangalan ng super stars ng Philippine blogging community: 

§        

Rank 1:  Inday [blogniinday.com] 

“Ang sosyal na katulong.  Akdang tiyak na magpapadugo sa iyong ilong! The fangs of this adamant chambermaid will truly stir your brains to grab the nearest dictionary or search some hifaluting (?) words over Meriam Webster Online”!  jgsmart.wordpress.com

  •  4,300 votes 

§        

Rank 2:  Maruism [maruism.com] 

“Ang kakabog kay Ruffa Mae Quinto, Ai-Ai delas Alas at Tiya Pusit.” – jojitah.com

  •  2,900 votes      

§        

Rank 3:  Reyna Elena [reynaelena.com]

“She tackles Philippine economy and other socio-political events with a hint of satire and sarcasm. Another rare co-incidence of two supposedly exclusive events.” – kotsengkuba.com

  •  2,300 votes 

§        

Rank 4 : Maldito [thegreatmaldito.wordpress.com]

“Makulit at maldito talaga… Basahin niyo ang blog niya at tiyak mapapasaya niya kayo. Sobrang totoo at mabait na nilalang. May sinabi nga siya sa akin dati, ‘Gage..indi ko kaylangan naman ng boto eh..sapat na yun na madaming masaya sa blog ko..-Maldito.’ Oh di ba? Pang-Nobel Prize na ang lolo mo! Niyahahaha!” – jeckyll27.wordpress.com

  •  1,800 votes 

§        

Rank 5 – 6:  Spontaneity [jojitah.com] 

“Kabilang sa linya ng mga superstars at kadivahan to the nth level. Sobrang enjoy basahin a ng mga post ng divang ito. Makulit pa siya sa makulit na aakalain mong isa siyang baklang nasa katawan ng babae. Marami rin ang nag-aabang sa kanyang two-piece attire na pinapangarap.” – jeckyll27.wordpress.com 

  •  1,700 votes 

§        

Rank 5 – 6:  Anak ni Kulapo [kopongkopong.blogspot.com]

“He dares to be funny and be successfully funny at the same time. This is such a rare co-incidence, a rare universal phenomenon.” – kotsengkuba.com

  •  1,700 votes 

§        

Rank 7: Gagopolis [poli-adik.blogspot.com]

“Madaming alam sa kalokohan itong batang to. Madami na syang napasayang tao kaya sa tingin ko ay isa sya sa mga dapat manalo sa pa-contest na ‘to kahit bihira na sya mag update ngayon..ang pag aaral nga naman panira talaga sa bisyo.” – gasti.wordpress.com

  • 1,600 votes 

§        

Rank 8: Chuvaness [mynosebleed.com]

“How can you stop yourself laughing when while reading her melodramatic notes what you can visualize  a girl in nasal hemorrhoid.” – kotsengkuba.com 

  • 1,500 votes  

§        

Rank 9- 11: Chiksilog [empermera.blogspot.com]

“Blog ni xienah, nakakatawa at nakakaaliw.  Saksakan pa ng ganda at kaseksihan!” – deardiarya.blogspot.com

  • 1,400 votes 

§        

Rank 9- 11:  Chillidobo [chillidobo.wordpress.com]

“Astigin ‘tong blogger na ito kasi magaling ang flow of thought ng mga kwento. Mahusay siyang magsulat at puno ng sandamukal na patawa sa bawat post. Pinakaabangan ko ang love story nila ni Maria Makiling. At sana dumating ang araw na mapasagot niya rin ito hehehe..” –jeckyll27.wordpress.com 

  • 1,400 votes 

§        

Rank 9- 11:  Mr. D [deardiarya.blogspot.com]

Pundasyon. institusyon. sapatos ni syon. magigiba ang blogosphere kung wala siya. wala pang salitang friendster, nagpapatawa na si MrD.  Gusto ko manalo ang mentor ko.”empermera.blogspot.com

  • 1,400 votes 

§        

Rank 12 – 13: Jon Cabron [joncabron.wordpress.com]

“This guy’s brilliant. Hanga ako dito. He is funny without even trying. I love his ascerbic wit. Walang katulad. Wala!” – jovi2hottie.wordpress.com

  •  1,200 votes 

§        

Rank 12 – 13:  Green Pinoy [greenpinoy.com]

“ Ano ang pinagkaiba niya sa ibang blog? Marami. Mga jokes na corny, mga pictures na sobrang kakaiba, mga kwentong out of this world, mga youtube videos ng isang frustrated comedian at singer at his best, at mga comments na nagmula pa sa sa mga pinoy sa iba’t-ibang panig ng mundo. Saludo ako kay Jason kasi sa blog niya lahat bida. Naks, parang wowowee..hehehe.. Greenpinoy is the bestest! – jeckyll27.wordpress.com

  •  1,200 votes 

§        

Rank 14 – 15: Gasti [gasti.wordpress.com]

“Adbentyurs ng isang pugante na madalas namang mabuking ng kanyang esmi na tila kalahi ni Yuri” – chillidobo.wordpress.com 

  • 1,100 votes 

§        

Rank 14 – 15:  Defpotec [defpotec.wordpress.com]

“Nalulungkot ka ba? Nalulumbay? Walang magawa sa buhay? O sadyang mahilig lang sa Bombay? Pumunta ka sa blog ni DEFPOTEC at nandoon ang lunas sa iyong kalungkutan. Garantisado!” – jovi2hottie.wordpress.com

  • 1,100 votes 

§        

Rank 16 – 17: Marijuana Den [marcelomcrey.blogspot.com]

“Ang blog na pantapat  sa sikat-na-sikat na si Inday…dahil, Si Arajaya lang ang TUNAY NA SUSYAL.” – marcelomcrey.blogspot.com

  • 1,000 votes 

§        

Rank 16 – 17:  Pinoy Humor Blog [paulding.blogspot.com]

“Man, his photoblog rocks!!! He posts photos of things that are humorous and lets us in to what he thinks is funny. Must be cool to think like him.” – evilwoobie.com 

  • 1,000 votes 

§        

Rank 18: King Daddy [kingdaddyrich.blogdrive.com]

“His header image is a latin proverb that denotes something serious, but his wit and writing style are anything but. He made me laugh the most when he posted his categories of bloggers’ behaviors all over the internet. Especially how he described bloggers who just comment on another blog to say “x-link?”…. He did that to me actually, and I laughingly reacted when he didn’t keep his end of the bargain.” – evilwoobie.com

  • 900 votes 

§        

Rank 19 – 20: Anukayayun [anukayayun.blogspot.com]

“Sa lamig ng kanyang pangalan ay mapapadyebs ka  sa kakatawa sa mga piktyur na pinapakita ng taong walang mukha ngunit may ilong na si Coldman. Grabe talaga naman.” – jmagreda.blogspot.com

  •  700 votes 

§        

Rank 19 – 20: Blasted Brain Blog [crost23.blogspot.com]

Bihira kasi sa isang blog yung brains ang sasakit imbes lungs sa kakatawa.  Kung may 3o’clock habit, ipapauso ko ang 5:30habit. Ito ang oras kung saan maglalagay tayo ng putopao at kutsinta sa pedestal katabi ng litrato ni combatron habang nagninilay nilay. Mag-aalay tayo ng panandaliang katahimikan kung saan ang ating pansariling kahilingan ay ang hindi niya pagkakaroon ng juwawhoopers. Ito ay para sa dahilan na walang sagabal sa kanyang blogging career.”  empermera.blogspot.com 

  •  700 votes 

§        

Rank 21 – 22: Blog ni Ella [ellaganda.com]

“Matindi  ito, seryoso mga banat parang nobela na drama. Yun pala nasa huli punch lines. Madalas nagugulat ako. Whoa!!! Whoa pa ulit!!!” – kopongkopong.blogspot.com

  •  600 votes 

§        

Rank 21 – 22: Ferbert [tanginang-alien.blogspot.com]

“Ibang klase kasi etong tirada nitong repapips ko, kahit me mura, hindi katulad nung mura nung ibang mga blogs na walang kwenta. Dito pag nakatikim ka ng lumalagutok na PI, you are loved”. – kopongkopong.blogspot.com

  •  600 votes 

§        

Rank 23 – 24: Kwentong Tambay [kwentongtambay.com]

“Si kuya batjay na ata ang pinaka- dabest pagdating sa mga kwentong kabulastugan. Simple ang banat pero may dating. Tumatawa na lang akong mag-isa pag binabasa ko mga entry nya. Kaya di nakapagtatakang siya ang one of the best blog nung 2004 and 2007” – anukayayun.blogspot.com

  •  500 votes 

§        

Rank 23 – 24:  Kamote Force [cycle.blogs.friendster.com]

“Parang Bob Ong Jr itong si Clarence Garcia!”“- humblejowdie.blogs.friendster.com

  •  500 votes  

§        

Rank 25 – 32: Professional Heckler [professionalheckler.wordpress.com]

“ ‘The problem with political jokes is they get elected’.  Akdang tiyak na kapupulutan ng aral at walang tigil na katatawanan. Kahit tulog ka na ay mapapangisi ka talaga sa kanyang mga naisulat. Wlang sinasanto! Walang kinakatakutan! His blog is not that of a typical personal experience. His’ is a political sattire that is sure to stir your patriotism. Its an experience na iyong babalik-balikan. Its like watching TV Patrol and Bitoy’s funniest videos at the same time!” –  jgsmart.wordpress.com

  •  400 votes 

§        

Rank 25 – 32: Eat All You Can [eat-all-you-can.blogspot.com]

“Syempre, aliw rin ako sa entry ng kaibigan kong ito, kahit na lang ano pinagsusulat pero siguradong mapapangiti ka, kahit minsan medyo green iba pa rin ang banat.Hahaha! Astig ka bro!” – anukayayun.blogspot.com

  •  400 votes 

§        

Rank 25 – 32: The Badly Written Sitcom [sunriseshotgun.blogs.friendster.com]

“Badly written sitcom indeed”.

  •  400 votes 

§        

Rank 25 – 32: Nanskii World [nanskii.multiply.com 

“Cool ang mga blogs niya, in fairness,  matatawa ka sa kanya ng todo.  Hehehe!” – alexbam2006.multiply.com

  •  400 votes 

§        

Rank 25 – 32: Jake The Miserable [jakethemiserable.com]

“A sentimental brokenhearted fool :), sharing his miserable life through laughter… never fails to crack me up.” – heyokity.blogspot.com

  •  400 votes 

§        

Rank 25 – 32: Turismoboi’s Chronicle [turismoboi.blogspot.com]

“Laitan ba ang hanap mo? Hindi naman, BAD lang daw talaga siya… sabi nga niya ‘bad na kung bad’. Tuklasin ang mga nakakatuwang paglalakbay sa mundo niya! Wag nang mag-pa-chenilyn-chenilyn pa! Click na” – marcelomcrey.blogspot.com

  •  400 votes  

§        

Rank 25 – 32: Xavierykym [xavierkymguillen.blogs.friendster.com]

Ewan ko ba, natatawa talaga ako sa post niya. Kinukwento lang naman nya ang kanyang buhay as pinoy dun sa UK. Ang paggiging foreigner nya sa class nila, nag-iisang kayumanggi. Mga kinukulit nyang classmates dun at tinawag pa xa ng, “pek[2x]” without his classmate knowing what’s the meaning of that word.” – wapita.ph.gd

  •  400 votes 

§        

Rank 25 – 32: Munting Blog ni Agi [agistar.blogspot.com]

“Idol na magaling si Agi Armentia!”“- humblejowdie.blogs.friendster.com

  •  400 votes 

§        

Rank 33 – 39: Ayanstein’s Laboratory [ayanstein.com/letras]

“Free your mind.”

  • 300 votes 

§        

Rank 33 – 39: Alexbam2006 [alexbam2006.multiply.com]

Cool and funny blogger”.

  •  300 votes 

§        

Rank 33 – 39: Mister Hubs [misterhubs.blogspot.com]

“Aliw ako sa pagbabasa ng mga post nya. Kahit di siya bumibisita dito, e sa gusto kung basahin ang blog nya e, kasi naaaliw ako.  Ang daming prens ng taong ito kasi daming comments! Hahaha” anukayayun.blogspot.com

  •  300 votes 

§        

Rank 33 – 39:: Calvin’s Hub [calvinshub.wordpress.com 

“A certified internet junkie who blogs to share his  opinions, knowledge and cool stuff he learns or finds along the way of this thing called ‘life’.”

  •  300 votes 

§        

Rank 33 – 39: Bomba [danielyuson.wordpress.com]

“Mga kwentong kagula-gulantang, opinyong nakakawindang, sapantahang kasing init ng goto at komentaryong nakakalaglag postiso ng nag-iisang bathalang si Bomba! A teacher blogging his daily events in a no boundary manner. No inhibitions, no limits just plainly truth!” – jgsmart.wordpress.com

  •  300 votes 

§        

Rank 33 – 39: Mundane Side of the Road [theblindrage.blogspot.com]

“’Expounding On The Mediocre Since 200’  tag line pa lang pamatay na. Ultimo everyday conversation eh nosebleed english pa… Witty and Bitchy. Funny! Nyahahaha… Oras na basahin, tatawa ka na lang ng walang dahilan – ganyan kalakas ang powers ni Tina.” – marcelomcrey.blogspot.com

  •  300 votes 

§        

Rank 33 – 39: Jeckyll27 [jeckyll27.wordpress.com]

“Kasosyo sa negosyo! Magaling na blogger”“- thegreatmaldito.wordpress.com

  •  300 votes  

§        

Rank 40 -46: Pinay Brodkaster [angpinaybrodkaster.wordpress.com]

I can’t get enough of reading her entries. Di sumasabog ang utak ko while going through her posts. Organized kung baga. Galing nyo po! “- wapita.ph.gd

  •  200 votes 

§        

Rank 40 -46: Twisted [jessicarulestheuniverse.com]

“Goddess of wit” – evilwoobie.com 

  •  200 votes 

§        

Rank 40 -46: Chona Mae [chona.blogspot.com]

“Siguro ay wala ng pakialam ang blogger na ito kung manominate siya. Naalala ko lang na ito ang nagpapatawa sa akin dati kaya inonominate ko pa rin. Mas gusto ko talaga ang classic na inday. To Chona, you said you are come back soon? When will your site be construct? Me and my friend is miss you” – schoolhopper.blogspot.com

  •  200 votes 

§        

Rank 40 -46: Loud Cloud [verbosecity.blogspot.com]

Masyado akong nawawalan ng dugo sa sobrang nosebleed sa blog nya.Hahaha!” – anukayayun.blogspot.com

  •  200 votes 

§        

Rank 40 -46: Online Tabletas [humblejowdie.blogs.friendster.com]

“Idol ng mga April Boys” – humblejowdie.blogs.friendster.com

  •  200 votes 

§        

Rank 40 -46:   Mandaya Moore [mandayamoore-orlis.blogspot.com]

“Mga bayot sa bukid (mga bakla sa bukid). Tungkol sa pakikibaka ng mga magkakaibigang nagkakaibigan para sa iisang layunin! Ang mamuhay ng mayapa at magkaroon ng puwang sa lipunan. Their simple way of life has been pen down into details, shared and loved! A carefree life for a convivial people, is definitely hilarious!” – jgsmart.wordpress.com

  •  200 votes 

§        

Rank 40 -46: The Coffee Bean [cofibean.blogspot.com]

“Nakakaasar minsan pero NAKAKATAWA talaga. Lait kung lait ang drama tila isang dalawang may buwanang regla. Hay! Ingat na lang sa pagkokoment sa kanya kung ayaw mong masabihang ‘Hilariously Stoopid’- marcelomcrey.blogspot.com

  •  200 votes 

§        

Rank 47 -49: Geisha [jgsmart.wordpress.com] “Journey towards love, lust, life and identity!  Kahit most of the post are in serious notes and rants, you can still extract humor naman (Choz)! Bahala na si batman! Ha ha ha!” – jgsmart.wordpress.com

  •  100 votes 

§        

Rank 47 -49: Sayote Queen [sayotequeen.com]

“Isa syang girlie na mahilig sa sayote ewan ko ba. Basahin nyo na lang at malalaman nyo rin ang istorya nya” – chillidobo.wordpress.com

  •  100 votes 

§        

Rank 47 -49: Nakanampucha [nakanampucha.com]

“Maraming nakakainis sa ating mga Pinoy.   Na capture lahat sa blog na ito.” – jovi2hottie.wordpress.com

  •  100 votes  

*Update:  Bukas pa rin ang botohan dito sa Project Lafftrip Laffapalooza hanggang September 27, 2008.  Ang opisyal na resulta ng 10 Best Blogs at ang mananalo sa pa-raffle ay iaannounce sa September 30, 2008.   Sa mga gustong magpalit ng mga binotong blog, mag-rearrange ng ranking,  o magdagdag kung kulang sa lima ang binotong blog, meron pa kayo hanggang June 1, 2008 para gawin ito.  Pagkatapos ng June 1, hindi na pwedeng magpalit ng mga binotong blogs, mag-reaarange, o magdagdag.  Pag gumawa ng boto, huwag kalimutang iwan ang link ng inyong blogpost sa comment box ng Project Lafftrip Laffapalooza. 

Important:  Heto ang bagong puntos sa pagtatally ng boto:  Top 1 – 500 votes, Top 2 – 400 votes, Top 3 – 300 votes, Top 4 – 200 votes, Top 5 – 100 votes.  Wala naman itong epekto sa ranking.  Cool lang tignan pag maraming zero sa dulo. 

Sa mga binotong blogs, kung nais palitan ang nakalagay na description, i-email lang ang nais na description sa dwmx2[at]yahoo[dot]com na may subject na ‘Request Change of Blog Description’.   

Ang susunod na tally ay i-rerelease sa April at July.  Muli, ang final announcement ng Philippines 10 Best Humor Blogs ay mangyayari sa September 30, 2008.  Kasabay rin dito ang pag-announce sa mananalo sa pa-raffle. 





Unremembered Goodbye

8 01 2008

Huling meeting ko na ‘to sa klaseng Digital Circuit.  Late na naman akong pumasok, kaya naman paborito na ako ng mga estudyante.  Part time job ko ‘to.  Mapagbiro talaga ang Diyos.  Biruin mo, ako na mahilig mag-cutting class, pumapasok ng nakainom nung kolehiyo e halos tatlong taon na ring nagtuturo.  ‘Meron na si kulit’, narinig ko si Monsi na nagmamadaling pumasok na kanina lang ay panay ang tambol sa dalang beatbox.  

 Hindi ako nagpapatawag ng ‘sir’ sa klase.  Hindi uso sa ‘kin ang labeling ng position.  Sinasabi ko sa mga bata, kung may respeto ka sa tao, hindi ‘yun nakikita sa pagtawag-tawag ng sir.  Kaya nasanay sila na tawagin ako sa pangalan ko, ‘kuya’, pare o kaya bosing.  Ok lang sakin ‘yung bosing.  Tawag ko din kasi ‘yun pag sumasakay ng dyip, ‘Bosing, bayad ho’.  Pag tinawag kang bosing, clue na ‘yun:  hindi ka talaga bosing.   

Bosing, ano’ng zodiac sign mo?  Entrada ni Solomon, ang pinakamakulit sa lahat, pagpasok na pagpasok ko pa lang sa pinto.  May nakahanda na namang ipa-punch line sa kin.  Pero hindi  ako nagpapawais.  ‘Cancer ako e, kaw ba tumor?’.  Tawanan.  Na-violate na naman ang number wan rule ko sa klase:  Wag pinapatawa ang guro pag may hang-over.  Nung minsan kasing natawa ako, lumipad ‘yung pinulutan kong mata ng tilapia palabas sa ilong.  Watdapaka.   

Tseking ng attendance.  Perpek.  ‘Wala talagang absent?’, panigurong tanong.  Wala nga.  Alam ng lahat na istrikto ako pagdating sa attendance.  Absentee kasi ako nung college.  Ang magnanakaw galit sa kapwa magnanakaw.  Nag-eexcuse din ako basta ba naaksidente ka.  At dapat basag basag talaga ang bungo mo. 

‘Mga bata, redi na sa exam?’.  ‘Mga bata’ ang tawag ko pero kung tutuusin mas malalaki pa sila.  Pwedeng pwede nga nila akong sagasaan sa kanto kung gugustuhin lang nila.  Magaling lang akong mam-bluff kaya wala pang nagta-try.  ‘Bosing, ilang items ang exam?  Di nako sumagot pero sa ngiti ko pa lang, nasusuma na nilang 200 items na naman na puro problem solving. ‘Parusa naman ‘to’.  Set A, B saka C.  Panakot ko, ang lumingon sa kaklase tatargetin ng eraser o kaya itatapon sa bintana.  Maliban pa sa ALL CAPS na warning na nakasulat sa test paper:  Cheating is a mortal sin.  You will burn in hell.   

Nagsimula na ang exam.  Nagbigay din ako ng konting reminder na kabisadong kabisado na ng mga estudyante ko: ‘ Ang exam para ding seks ‘yan.  Hindi kailangang nagmamadali’.  Ang totoo, hindi naman talaga bawal ang mangopya sa klase ko.  Wag na wag ka lang magpapahuli.  Dapat mas wais ka sa akin.  At dahil papunta ka pa lang, pabalik na ako, alam na alam ko na ‘yang mga style tulad ng kodigo na size 4 ang font, ‘sign language’, ipit sa kilikili, atbp.  Busy na ang lahat mag-solve. Upo muna ako sa harap ng computer para magbloghop.  May offline message si Yvette sa Yahoo Messenger, dati kong estudyante.  ‘Bos tnk u.  Tenk yu po sa pagturo ng wireless network.  Naimpress sa kin ‘yung boss nung pinagawa kami’.  Nag-oojt si Yvette sa isang anti-virus company.  ‘Be good.  Galingan mo diyan’, nag-iwan ako ng offline message.  Putek, pakiramdam ko tuloy proud father ako na parang nag-pers honor ang isang anak.     

Matapos ang dalawang oras na exam at pangungulit sa mga bata, yosi breyk muna.  Nag-abot si Jon ng isang stick ng Marlboro green, ‘Bosing, nakatikim ka na ng chongki?’.  Umiling ako habang sinisindihan ang yosi, ‘Bakit, kayo ba?’.  ‘Dyan kami dati bumabatak bosing’.  Tinuro ni Jon ang basement ng building.  ‘Sige gawin nyo lang yan tangena nyo nang mapunta kayo sa impyerno’.  Tawanan.  

Putek, napaisip ako.  Di ko na makakakulitan ang mga ‘to ng ilang buwan.  Masakit mang isipin na pinagpalit ko sila para sa ilang araw na pahinga kada linggo, pero talagang ganun na nga.  Di ko pwedeng gawin ang lahat.  Di naman talaga ako si Superman.  Saka kelangan ko ring alagaan si BebeKo, namamayat na.  Pano pakonti-konti lang kumain.  Di ko na rin nga pinaunlakan ang imbitasyon sa isang kolehiyo na magturo.  ‘Bosing, seat in kami sa klase mo next term.’  Si Jalu.  Oo lang ako.  Di kasi ako marunong magpaalam.  Pero sina Jepoy nasabihan ko.  ‘Pano ‘yan, e di wala nang drinking session sa Alabang?’.   Malamang ganun na nga.   

Makulit nga siguro ako pero kahit papano meron din naman silang natutunang aral sa ‘kin na pwede nilang baunin pag-alis ko.  Higit pa sa lessons sa klase,  may mga mas importanteng aral tulad ng pakikisama, pagiging totoo, at respeto.  ‘Yun yon.   





Strangers in the City

3 01 2008

Ang Pinoy pag nakasalubong mo at inunahan mong batiin, ngingiti at ngingiti ‘yan.  Mamya na mag-iisip kung saan lupalop ka ba talaga niya nakilala.  “Wer da hell did I meet dat sheet?”.  Dugo-dugo gang kaya ‘yun? Madapacking sheet, siya ba ‘yung pumisil ng pwet ko sa pila ng sakayan?  Baka siya ‘yung nang-snatch ng cellphone ko, nangingiti kasi nakita na niya ‘yung mga sikret video scandals ko nakupo!  Madalas ‘pag nababato ako on my way to opis, nagti-trip akong kumaway o mag- gud morning sa mga nakakasalubong sabay tawag ng ‘Unkyel o Auntie’.  Makati is a city of strangers, they’re just there to do business, nothing more.  Kaya gustong gusto ko ‘yung weird expression nila pagkatapos mong batiin.  Tapos dahan-dahang ngingiti na rin.  Bahala silang mag-isip kung san nila ako nakilala dahil di naman talaga nila ako kilala.  He he.  Kung minsan, nakikipag-it-bulagaan ako sa mga makukulit na bata sa loob ng bus.  ‘Yung mga bata ‘pag kinulit mo, tawa na ng tawa, hindi naman ako si Kokey.  That just makes my day. 

Dami na ring nangyari sa ‘kin dito sa Maynila.  Sa araw-araw na kasasakay ng dyip at standing position sa bus, nagkaroon na ako ng masteral studies sa amuyan ng kili-kili.  Alam ko na kung gumamit ng Old Spice ‘yung katabi ko, Secret o kaya kalamansi na binudburan ng tawas.  Mortal enemy ko lang talaga ‘yung mga amoy putok.  Di ko alam kung mabaho sila o talagang maluwang lang ang ilong ko.  Anlalaki rin ng bilbord ni Kris Aquino dito, kitang kita ko na ‘yung malalaking pores nya sa mukha.  Ansarap tirahin ng dart at gawing dart board. 

Sa isip ko dati, pag nakatungtong na ‘ko sa Maynila, hahanapin ko si Pong Pagong.  Lumaki ako sa mga kwento ng Batibot.  Kaya hanggang ngayon, nagbabatibot pa rin ako.  Hindi ko na nasundan ang lab layf ni Pong Pagong.  Sabi sa kin ng siraulo kong pinsan, nakapag-asawa si Pong ng isang hot chick sa Amerika.  Suspetsa ko, baka nga tatay ng Teenage Mutant Ninja Turtles si Pong Pagong. 

Number one lesson dito, hindi mo hawak ang buhay mo. Hawak ng driver.  Ito ‘yung tipong, if the driver messes up, he’s messing up your life.  Tatlong klase lang ang mga tao dito – Adik, airheads o tulad kong mabait.  Adik ang tawag ko sa mga nakakatabi ko sa bus na sarap na sarap mangulangot sabay pahid kung saan saan.  Walang manners ang mga putek, at least ako binibilog ko.   

You also get amazed of the things you can get used to.  Sa araw-araw na buhay, ordinaryo na sa paningin ko ‘yung mga pulubing  pakyut,  rugby boys na hip hop,  at mga MMDA na nagsasabi ng ‘Ser, pangkape lang’.   Bakit ba hingi sila ng hingi ng pangkape?  Pag minsan hiningan ulit ako ng pangkape, talagang bibigyan ko na mga yan ng Nescafe 3-in-1.   

Everything is surreal.  Kaya huwag papabulag sa fame en fortune.  Tandaan, the only thing real in dis world is love and sex.  Ulit, love and sex.