The 2008 Philippine’s 10 Funniest Blogs

Kilala tayong mga Pinoy sa ating ‘sense of humor’.  Nasa dugo na natin ‘yon, nakamarka na parang numerong ‘sex-sex-sex’ sa batok natin.  Wala na tayong magagawa dun.  Ever.  

 

Napagdaanan na natin lahat ng bagyo, krisis, at karumal-dumal na career ni Madam Auring, andito pa rin tayo, surviving.  ‘Yan tayong Pinoy.  Hindi papatalo lalo na sa ating ‘Wala ka sa lolo ko’ jokes.  Walang ganyan sa ibang bansa.  Lalo na ‘yung mga jokes na kunyari may international competition na pahabaan ng etits, pabahuan ng kwan, o palakihan ng ilong, tapos sinasalihan ng iba’t-ibang lahi pero sa huli Pinoy ang nananalo.  Lumaki tayo sa pangaral at biro ni Dolphy, barkada jokes ng Tito, Vic and Joey, pati na rin scandal ni Jollibee.  Magbago man ang anyo, hugis o porma ng kung ano ang nakakatawa, pare-pareho pa rin nating binabahagi sa isa’t-isa, mula texting hanggang blogging atbp. At lumipas man ang panahon, alam nating patuloy lang ang daloy ng makulit na imahinasyon nating mga Pinoy.  [May rhyme yan o ha, o ha]

 

Ngayon, wala nang oha-oha pa, ikinagagalak kong ipakilala sa inyo ang kasalukuyang best of breed Pinoy humor icons sa blogosphere ngayon sa pamamagitan ng bidyong ito na gawa ni Umleo23.  [Wag kalimutang i-buffer for viewing pleasure]:

 

 

 

At narito naman ang kumpletong resulta ng tally ng Philippine’s 10 Best Humor Blogs à.

 

Maraming salamat sa mga sumuporta, sumali, nakigulo at nakiusyoso.  Isang karangalan ang makilala kayong lahat.  Sa payak nating patimpalak, nahanap niyo ako, nahanap ko kayo, dito sa magubat na blogosperyo, at nagkakitaan tayo ng kung anu-ano.  Inglisin ko na din para mas may drama epeks:  ‘I’ve found you, you’ve found me’. And.… ahmm.… ‘yun lang. 

 

At dahil tingin ko, mukang maayos naman ang pilot episode ng ating Project Lafftrip, hindi malayong magkaroon tayo ng aktwal awarding ceremonies slash aybol sa susunod na taon. Yipeee!

 

PS.  Isang higanteng tenkyu kay Umleo na inobertaym gumawa nitong bidyo habang ako ay nagpapakasarap humilata, matulog at pagpantasyahan ang mga EB Babes.  Kung nabitin man kayo sa bidyo, natuwa, o gustong magpasalamat kay Umleo, pwede niyo siyang i-bitch slap dito.  

 

Congrats sa ating nag-iisang winner ng parapol.  Wala pa akong idea kung sino, hintayin na lang natin ang update mula kay Mareng Chona, bilang lead auditor ng parapol.  Meron ding listahan ng pangalan at raffle number sina Mareng Maru, Chiksilog, GreenPinoy, KotsengKuba, atbp.  Pwede niyo din silang kulitin kung sinong nanalo.  At sa ‘yo rapol winner, meron kang sampung segundo para mag-email ng iyong gustong premyo [15k, Sony Cybershot Digicam o Nokia N70 na nagamit ko na] pangalan at address gamit ang email address mo noong sumali ka sa patimpalak na ‘to.  Sige na nga, sampung araw na.  Pagkatapos ng 10 araw at sa di malamang dahilan ay ayaw mong mag-claim ng premyo, bubunot kami ng panibagong winner. 

 

Salamat sa mga sponsors:

 

Major sponsor:  The TShirt Project

Trophies sponsor: GagAtak

 

Sa mga kapita-pitagang 10 funniest blogs, paki-email sa badoodles[at]rocketmail[dot]com ang address kung saan pwedeng ipadala ang inyong tropeo, at pangalan ng kung sino ang pwedeng tumanggap.  Paki-email din ang link ng t-shirt design mula sa The TShirt Project na gusto niyo [Ung 3 preferred designs at size baka ma-out of stock].  Wag kalimutang gamitin ang email address na ginamit nyo noong nagpost kayo ng comment dito sa Project Lafftrip Laffapalooza.  Pasuyo na rin, wag kalimutang i-link back ang The Tshirt Project para naman matuwa sila at may sponsor pa tayo ulit.  Kitakits sa susunod na Project Lafftrip!